2015-09-26

बैदिक र पौराणिक कृत्य (प्रेत ,पितृ , श्राद्ध , सोह्र श्राद्ध) - प्रवीण अधिकारी

बैदिक र पौराणिक कृत्य  

प्रेत ,पितृ , श्राद्ध , सोह्र श्राद्ध 
जीवन र मृत्यु दुवै यस ब्रह्माण्डका अकाट्य सत्य हुन् ! यही अकाट्य सत्य स्वीकार्दै सनातन हिंदू धर्म-दर्शनले जसको जन्म हुन्छ उसको मृत्यु र जसको मृत्यु हुन्छ उसको जन्म पनि निश्चित भएर सांसारिक प्रक्रिया निरन्तर चलीरहन्छ भन्ने मान्यता राख्दछ ! यस जगतमा त्यस्ता धेरै थोरै भाग्यमानी पनि हुन्छन जो यो पूनर्जन्म र मृत्युको चक्रमा नछिरी मोक्ष प्राप्त गर्न पुग्दछन ! सनातनी हिन्दू परीवारले कसैको मृत्यु भएमा ती मृत आत्माहरुको बैदिक तरिकाले श्राद्धादी दश गात्र कर्म नगर्ने , पूर्वजहरुलाई न संझिने , वार्षिक श्राद्ध आदि कर्म नगर्नेका घरमा अशांति , वंश - वृद्धिमा रूकावट , रोग - ब्याध आकस्मिक बीमारी, संकट, परिवारमा आइरहन्छन भन्ने मान्यता बोक्दछ र शास्त्रले पनि यहिकुरोलाई पुष्टि गर्दछ !

प्रेत :
पौराणिक मान्यता अनुसार दाह संस्कार गरिसके पछि मृतात्माले वायुको स्वरुप धारण गर्दछ ! त्यो बायु ततकालकोलागि प्रेत कहलिन्छ ! "प्रेत" भनेको आत्माको त्यो अवस्था हो जो मृत्यु पछि गरिने दश गात्रादी कर्महरु अर्थात प्रथम षोडशी देखि सपिंडीकरण सम्म प्रथमतः ११/१२ दिन रहने गर्दछ ! त्यसैले मृत आत्माले सूक्ष्म शरीर धारण गरी सके पछी पनि उ भित्र मोह, माया , भोक , प्यास रही रहन पुग्छ र त्यो प्रेत स्वरुप आत्मा पितृहरुसंगको सम्मिलन भएपछी तथा एक बर्षको और्द्धदैहिक क्रिया सकिएपछि मात्र अन्य पितृहरुको थान्कोमा रहन पुग्दछ वा चक्रिय व्यवस्था अनुरुप अन्य योनीमा जन्म लिन जान्छ भन्ने बिश्वास सनातनी हिन्दू समाज र ग्रन्थहरुले गर्दछ !

पितृ र श्राद्ध :
स्थूल शरीरबाट आत्मा उडनु , त्यस शरीरको अन्त्येष्टि संस्कार गरिनु र दाह संस्कार गरि सकेपछि मृत आत्माको तृप्तिकोलागि और्द्धदैहिक क्रिया कर्म श्रद्धापूर्वक सम्पादन गरिने प्रेत र पितृ कर्म श्राद्ध हो तथा जुन मृत व्यक्तिको एक वर्ष सम्मको सबै और्ध्व दैहिक क्रिया-कर्म सम्पन्न गरि सकीएको हुन्छ ति पितृ हुन् ! श्राद्ध सम्बन्धमा भनिएको छ - " श्रद्धया इदं श्राद्धम्‌ "(जे कुरा मृत व्यक्तिलाई श्र्द्धाले दिइन्छ त्यो श्राद्ध

2015-09-20

ऋषि पंचमी बिशेष - प्रवीण अधिकारी

ऋषि पंचमी बिशेष
*****************
आत्म शुद्धि , ज्ञान शुद्धि र अहम शुद्धिकोलागि ऋषि पंचमी ! 
======================================
नेपालमा जन्मिएका तमाम ऋषि बृन्दहरुलाई हार्दिक नमन ! ऋषि मुनिहरुले फैलाएको ज्ञान भित्र हामी छिरेर पल्लवित र पोषित भएका हौ वा हाम्रो बोक्रे धाकले उनीहरु द्वारा प्रतिस्थापित मूल्य र मान्यताहरु बिस्थापित गरिएका हुन् ! आउनोस एकछिन मनन गरौँ !

ऋषि मूनिहरुको मानव मात्रलाई आध्यात्मिक देन :
************************************************
विश्वको प्राचिन ग्रन्थ ऋग्वेदमा भेटिएका ४१४ ऋषिहरु तथा ३० जाना ऋषिकाहरुको ज्ञान प्राप्तिस्थल पौराणिक नेपाल थियो ! अझ विशेषगरी भन्नु पर्दा प्राचिन हिमवत खण्ड भित्रको माहाकाली (सरयु नदि ) ,गण्डकी ,कौशिकी (कोशी) नदि बिचको प्रदेशनै प्राचिन ऋषि मूनिहरुको क्रिडास्थल र ज्ञान प्राप्तिस्थल थियो ! आज बैबश्वत मन्वन्तर मात्रका ऋषि मूनिहरुको मात्र होइन हाम्रो ऋग्वेदको समस्त मन्त्र द्र्श्टार ऋषिहरुको पूजा गरिनु पर्दछ र ती ऋषिहरुको पूजा अर्थपूर्ण रुपमा लिइनु पर्दछ ! ऋषिहरु मन्त्रद्रष्टा, मन्त्रस्रष्टा र युगसृजेता वा सर्जक पनि हुन् ! हाम्रो समाजमा चलेका , चलाइएका प्रचलन, प्रथा-परम्पराहरुको श्रोत बिन्दु ऋषिगण नै हुन् ! उनीहरुले विभिन्न विषयहरुमा सोध गरे ! महर्षि वेद व्यासले गहन वेदज्ञानलाइ सुबोध्य पुराणको रुपमा रूपान्तरित गरेर मानव मात्रकोलागि ज्ञानार्जन मार्ग फराकिलो पारिदिए ! चरक, सुश्रुतादिले आयुर्विज्ञानमा अनुसन्धान गरेर मानव मात्रलाई पूनर्जीवन दिए ! जमदग्नि -याज्ञबल्क्यले यज्ञ विज्ञानमा शोध गरे ! वशिष्ठ ऋषिले ब्रह्मविद्या तथा राजनीति विज्ञान तथा विश्वामित्रले गायत्री महाविद्याको रहस्योद्घाटन गरे !
देवर्षि नारदले भक्ति साधना सूत्र दिए ! पर्शुरामले ऊंच-नीचादि जातिगत भेद-वैषम्य निराकरण गरे ! भगीरथले

2015-09-17

ऋषि पंचमी - के हो र किन मनाइन्छ - प्रवीण अधिकारी

के हो ऋषि पंचमी ? किन मनाइयो ऋषि पंचमी पर्व ?

ऋषि पंचमी सम्बन्धमा साश्त्रीय व्यवस्था :
ब्रह्माण्ड पुराण अनुसार भाद्र शुक्ल पक्षको पंचमी तिथिलाई ऋषि पंचमी भनिन्छ ! पौराणिक कथा अनुसार चतुर्थी युक्त पंचमी तिथि ऋषि पंचमीकोलागि ग्राह्य मानिन्छ ! नाग पंचमी जस्तो षष्ठीयुक्त पंचमी यो पर्वकोलागि स्विकारिन्न ! भविष्योत्तर पुराणमा भनिएको छ भगवान ईन्द्रले त्वष्टा ऋषिको छोरा वृत्तासुरलाइ मारे पछि ब्रह्माजीले भगवान ईन्द्रले गरेको पापलाई मोचन गर्न त्यो पापलाई चार ठाउँमा बाँडिदिए ! जस अनुसार पहिलो पापको पूल्ठो अग्निको धूँवा मिश्रित ज्वालामा , दोश्रो नदिहरुमा बग्ने फींज भएको बर्षाको जलमा ,तेश्रो पहाड पर्वतमा भएका रुखमा उम्रिने एञ्जेरु तथा सेपमा बसेको ढुङ्गाको काइको रुपमा तथा चौथो नारीजातिहरुको रजस्वालाको रुपमा ! यसकारण मासिक धर्मका समय लाग्नेपापहरुको निबृतिको लागि यो व्रत स्वास्निमान्छेहरु द्वारा गर्ने चलन बसेर गयो ! यो पौराणिक कर्म हो ! यसका उप द्रष्टा ऋषि सबरतमा हुन् ! उनैले दिएको सल्लाह र निर्देशन अनुसार यो ब्रत बस्ने चलन चलेर गएको हो ! मध्यान्ह कालको स्नान , रेशमी कपडा को पहिरन , शाकाहारी बिशेष गरी हलो कोदालोले नाजोते नखनेको जिनिसको भोजन ,ऋषि पत्नी अरुन्धती सहित सप्त ऋषिहरुको पूजा यस ब्रतको बिशेषता हो ! सात घडा , सात ब्राह्मण जसलाई अन्तमा ऋषिहरुको सातै प्रतिमा प्रत्येकलाई पुग्ने गरी दान दिइन्छ ! यदि सबै ऋषिहरुको आह्वान एउटै कलशमा गरिएको छ भने त्यो कलश एउटा ब्राह्मणलाइ तथा अन्यलाइ ऋषि प्रतिमा सहित बस्त्रहरु दक्षिणाको रुपमा दिनु पर्दछ !

2015-09-10

एयरपोर्ट भन्सारमा बृद्धि भएको छैन्ः एआइजी बिज्ञानराज शर्मा

काठमाडौं, २३ भदौ– विभिन्न सामाजिक सञ्जालहरुमा आएको एयरपोर्ट भन्सार महशुल बृद्धि भयो भन्ने समाचार पूर्ण रुपमा गलत भएको प्रहरीले जनाएको छ ।

विदेशबाट फर्कने नेपाली हुन वा विदेशीहरु सबैलाई भन्सार कर समान रहेको र भन्सार महशुलमा कुनै परिवर्तन नभएको एआइजी शर्माले बताउनुभयो ।

‘विभिन्न सामाजीक सञ्जाल तथा साइटहरुमा एयपोर्टमा भन्सार महशुलमा बृद्धि गरेको भन्ने समाचार आएको छ’–उहाँले भन्नुभयो–‘ त्यो पुर्ण रुपमा गलत छ, भन्सार महशुलमा कुनै बृद्धि भएको छैन्, जे छ पहिलेकै अवस्थामा भन्सार महशुलको नीति प्रयोग भइरहेको छ ।’

केही अनलाइन पोर्टल तथा फेसबुकमा एयरपोर्ट भन्सार महशुलमा बृद्धि गरिएको भन्ने समाचार आएपछि प्रहरीको यस्तो भनाई सार्वजनिक भएको हो ।
एआइजी थापाले भन्सार महशुल सम्बन्धमा कुनै परिवर्तन नगरिएकोले भ्रममा नपर्न आग्रह गर्नुभएको छ । 
Original Source: DCNepal

प्याज महङ्गो भो ? लु नचिन्ता गर्नुस,

प्याज महङ्गो भो ? लु नचिन्ता गर्नुस,

१.प्याजमा प्याजे स्वाइन फ्लू आको छ,
२. प्याजको पिरोले आखा धमिलो र अनुहारमा पोतो आउने नया किसिमको रोग सुरु भा छ,
३. चाइनिज ठुलाखाले प्याज खेतां नभै फ्याक्ट्रीमा उत्पादन हुने रहेछ, यसले आयु घटाउने रहेछ,
४. सानाखाले खेतां फल्ने प्याजमा रशायनिस मल धेर हाल्ने गरेको पायेछन यसले मुलायम हातहरु खश्रा, फुश्रा र फुट्ने जस्त रोगहरु निम्त्याउने रहेछ
२-४ वटा तपाईं आफै थप्नुस, भोलिबाट प्याज बहिस्कार । अन्त माडे बेपारी हरुले तिन्का प्याज निकालेनछन भने त के र । यो सब दक्षिणी बेपारिकै कमाल हो ।
(माथिका बुदाहरु भने कपोल कल्पित हुन है)
आब आउनुस यस्का अवगुणहरु खोतल्न तिर । भोलि पल्टैबाट तपाईं प्याज बहिश्कार गर्न सुरु गर्नु होस र भन्नुस: