 |
| यसका वास्तविक लेखक कृष्ण महरा जी |
अनलाइन खबरमा साउन ९ मा प्रकाशित यो लेख मैले हुबहु यहाँ साभार गरेको छु, यसो गर्नु सहि हो वा गलत मलाइ जानकारी भएन । यदी सम्बन्धितलाइ आपत्ती भए जानकारी गराउनु भएमा कृतज्ञ हुने छु ।
लिपुलेकबारे योगेश भट्टराईलाई खुला पत्र
- कृष्ण महरा
आदरणीय कमरेड योगेश भट्टराई,
अभिवादन
पछिल्लो राजनैतिक परिवर्तन पश्चात व्यग्र प्रतिक्षित संविधान निर्माण प्रक्रिया अन्तिम चरणमा पुग्दै गर्दा नेपाली भूमी लिपुलेक माथि भएको अघोषित प्रहारले जोसुकै नेपालीको पनि मुटु भतभति पोलिएको हुनुपर्छ । यहीबेला लिपुलेकसँग दार्जिलिङ साट्न सकिने यहाँको अभिव्यक्ति पढ्न पाइयो । शीर्षक मात्रै पढ्दा विश्वासै लागेन । तर, जब प्रतिष्ठित पत्रिका ‘अनलाइनखबर’ ले नै प्रकाशित गरेको रहेछ तब थाहा पाएँ र भक्कानिए ।
कमरेड,
यसरी सार्वभौमसत्ता माथि दिनदहाडै प्रहार भएका बेला खुसी हुनुहुन्छ भनेर त भन्दिँन म तर यति चाँहि भन्छु लिपुलेकको सट्टा दार्जिलिङ पाउनुभयो भने हाँसीहाँसी स्वीकार गर्नुहुन्छ, है ?
