 |
| फोटो स्रोतः Telegraphnepali.com |
लुतो बोकेका नेताहरू
हाम्रा राष्ट्रवादी नेताहरू,
सत्ता बाहिरमात्र छिमेकीको मिचाइ देख्छन्,
विदेशीको विस्तारवादी सोच सुन्छन्
अनि राष्ट्रियता कुन दुलोबाट
फुत्त बाहिर निस्कन्छ र
भन्छन् -
छिमेकीले नेपालमा प्रम बन्नै दिएन ।
लाज पचेका नकचराहरू
मुलुकको स्वाभिमान र स्वाधीनतालाई
दासताको साङ्लोमा बाँधेकाहरूनिजी स्वार्थका बन्धकहरू
किन पटक-पटक मातृभूमी को
बलात्कारमा उद्धत छन् ?
र भन्छन् विदेशीले प्रम बन्नै दिएन ।
सरकारवादीहरू,
अ-सरकारवादीहरू
जसो तसो दिन कटाउन अभ्यस्त
सभासदहरू
सत्ता, भत्ता र भ्रमणमा मुलुक बोक्ने
नेताहरू, मन्त्रीहरू, र सरकारहरू,
संविधानलाई लुतो बनाएर
मुलुकभरि संविधान कन्याउँदै हिँडनेहरू
धिक्कार छ ! तिमीहरू जस्ता धूर्त नालायकलाई
धिक्कार छ ! तिमीहरू जस्ता कपूत सभासदहरूलाई
१४-१४ पटक प्रम छान्न नसक्ने
नपुंसकताको ट्याग भिरेका हरू
अझै कति राष्ट्रलाई
अनिर्णयको बन्दी बनाउ छौं ?
-विष्णु प्याकुरेल, उदयपुर
साताका सात दलालीहरूः (विस्तृत पढ्नका लागी तलका हेडलाइनमा क्लिक गर्न सक्नु हुनेछ ।)
- ठेक्काको कमिसन विवादमा माओवादीबीच कुटाकुट
- 'तीन दलका कारण संविधान लेखनमा अवरोध'
- न्यायाधीश नियुक्ति संयन्त्रमा सहमति हुन सकेन
- १४ औं चरणको निर्वाचनमा पनि देशले नयाँ प्रधानमन्त्री पाएन
- माओवादीद्वारा कामचलाउ सरकारले नीति तथा कार्यक्रमविनाको पूर्ण बजेट ल्याउन नपाउने भन्दै विरोध
- सेना कव्जा गर्न माओवादी तल्लिन छः शान्त्रिमन्त्री चेम्जोङ्
कांग्रेसले प्रधानमन्त्रीको उम्मेदवारी फिर्ता नगर्ने
No comments:
Post a Comment
आफ्ना सल्लाह र सुझावका लागी समय खर्चिनु हुने सबै प्रति आभार छु ।
Thank you for taking your valuable time to Read or Comment on this blog.
धन्यवाद ।