मेरो मन

- फुलमाया, हाल अमेरिका

मलाई जीन्दगीको उकालो काट्न मन छ

आफ्नै नेपालीहरु सँग बस्दै खेल्दै
पिर मर्का अनी खुशी बाड्न मन छ ।
भुटेको मकैसंगै टन्न मोही खोज्ने यो मन

फापरको रोटी र नुन खुर्सानी खाने मन्न छ 
फर्केर अतीत केलाउँदा

एक पटक फेरि बाल्य काल सम्झन मन छ 

सानो छँदा, त्यो सल्लोको रूखमा

खोपेर आफ्नो नाम लेखेको,

भन्ज्याङ अनी दोवाटोमा

हाते साङ्लो बनाउँदै संगीहरूसंग

मूलको पानी पातमा थापेर पिउन मन छ ।

गुराँसे डाँडाको गुराँस चुम्न खोज्ने मेरो मन
एँसेलु र चुत्रो टिपी खाने मेरो मन

आफ्नै नेपालीहरु सँग बस्दै खेल्दै
मलाई जीन्दगीको उकालो काट्न मन छ
आफ्नै नेपालीहरु सँग बस्दै खेल्दै
पिर मर्का अनी खुशी बाड्न मन छ 
मलाई जीन्दगीको उकालो काट्न मन छ ।

- फुलमाया, हाल अमेरिका